Leiðarljós, hlutverk og markmið

Leiðarljós

Gerðuberg eflist sem alhliða menningarmiðstöð með fjölbreyttri og metnaðarfullri menningarstarfsemi og sé griðastaður góðra hugmynda og nýsköpunar.

Hlutverk

Menningarmiðstöðin Gerðuberg er alhliða menningarmiðstöð sem leggur áherslu á gott aðgengi borgarbúa á öllum aldri að viðburðum og fræðslu á sviði menningar og lista.

Meginmarkmið

Að starfsemi Gerðubergs einkennist af fagmennsku og metnaði.

Að sinna frjóu samstarfi við einstaklinga, listamenn, félög eða samtök,  innlendar og erlendar menningarstofnanir, fræðslu - og skólayfirvöld.

Að mæta þörfum ólíkra hópa þjóðfélagsins óháð aldri og uppruna.

Að leggja rækt við listrænt og skapandi starf með og fyrir börn og vekja athygli á árangri þeirrar starfsemi, m.a. með auknu sýningarhaldi á myndverkasafni úr listsmiðjunum Gagn og gaman.

Að sinna samstarfsverkefnum á sviði fjölmenningar sem auka víðsýni og skilning í litríku menningarsamfélagi borgarinnar.

Að hlúa að og miðla alþýðumenningu með sýningarhaldi og viðburðum í samstarfi við einstaklinga og félög.

Að leggja áherslu á fræðslu og leiðsögn í tengslum við viðburði og sýningar.

Að standa að útgáfu á þingum rithöfunda, myndlistarmanna og annarra listamanna sem haldin eru að jafnaði ár hvert og eru heimildir um líf og listferil viðkomandi samtímalistamanna.