Gerðuberg
 

Syngjum og kveðum | 10.03.2010

Sunnudaginn 14. mars 2010, kl. 14.00 – 16.00 Kveðum stemmur, syngjum, og hlýðum á söngva, lög, víkivaka og dansa frá eyjum í norður Atlanshafi, má þar nefna Bretlandseyjum, Irlandi, Hjaltlandseyjum, Íslandi, Vestmannaeyjum, Færeyjum en einnig verða lög frá Búlgaríu á dagsskrá.

Úr grárri forneskju í glansandi bók | 10.03.2010

Laugardaginn 13. mars kl. 10:30 – 13:15 verður haldin 12. ráðstefnan um barna- og unglingabókmenntir í Gerðubergi og ber yfirskriftina Úr grárri forneskju í glansandi bók!

Langafi prakkari | 11.03.2010

Laugardaginn 13. mars kl. 14. verður sýnt leikritið Langafi Prakkari eftir Pétur Eggerz byggt á sögum Sigrúnar Eldjárn.

Tónleikar í Gerðubergi | 03.03.2010

Sunnudaginn 7. mars 2010, kl. 16.00 mun Kvennakór við Háskóla Íslands halda tónleika undir stjórn Margrétar Bóasdóttur. Einnig koma fram Benedikt Kristjánsson, tenór og Sólveig Anna Jónsdóttir, píanó

Handverkskaffi miðvikdag 3. mars kl. 20-22 | 03.03.2010

Bút fyrir bút í þrjátíu ár - Sú list að skera margskonar efni sundur og setja saman aftur, bút fyrir bút, svo úr verði bútasaumsverk, nytjahlutur eða listaverk, er handverk sem fagnar vaxandi vinsældum á Íslandi. Á handverkskaffi marsmánaðar kynnir Anna Margrét Árnadóttir Íslenska bútasaumsfélagið sem á þessu ári fagnar 10 ára afmæli sínu.

Krummi | 26.02.2010

Krummi krunkar úti. Gerðuberg býður leikskóla- og skólabörnum frá 5-7 ára að læra að syngja og kveða íslensk alþýðulög.

Klassík í hádeginu | 26.02.2010

Vor í París. Föstudaginn 26. feb kl. 12:15 og sunnudaginn 28. feb kl. 13:15 Áshildur Haraldsdóttir, flautuleikari og Nína Margrét Grímsdóttir, píanóleikari flytja rómantíska tónlist frá París

Karnival - Tóney | 26.02.2010

Sunnudaginn 21. febrúar kl. 14.00 verða tónleikar í Menningarmiðstöðinni Gerðubergi þar sem athyglin verður á blásarahópa. Við fáum að heyra svolítið af því efni sem krakkar á Reykjavíkursvæðinu hafa verið að æfa að undanförnu en núna í febrúar fer fram landsmót skólalúðrasveita.

Öskuball | 18.02.2010

Miðvikudaginn 17. febrúar frá kl. 14-16. Pollapönkarar leika fyrir dansi, Jón Víðis sýnir töfrabrögð og kötturinn sleginn úr tunnunni.

Syngjum og kveðum | 12.02.2010

Íslensk alþýðulög sungin og kveðin í kaffihúsi Gerðubergs frá kl. 14-16. Sungin verða lög um ástina því hvað á betur við á Valentínusar-daginn en að syngja og kveða um ástir og tilhugalífið.

Kanntu að búa til öskupoka og bolluvönd? | 12.02.2010

Fjölskyldunámskeið í gerð öskupoka og bolluvanda í samstarfi við Heimilisiðnaðarfélag Íslands verður í Gerðubergi sunnudaginn 14. febrúar kl. 14 - 16 og í Borgarbókasafni Grófarhúsi kl. 15 - 16.30.

Farfuglinn - Rafmögnuð ópera fyrir ungt fólk | 10.02.2010

Rafópera eftir Hilmar Þórðarson: Farfuglinn er á vegum Strengjaleikhússins í samstarfi við Tónlist fyrir alla. Markhópur: Unglingar í 8.-10. bekk grunnskóla. Markmiðið með Farfuglinum er að kynna fyrir yngri kynslóðinni nýsköpun í íslenskri tónlist í formi nútíma óperu og hvernig blanda má þeirri tegund tónlistar saman við raftónlist.

Galdur litanna - kvöldnámskeið í litafræði | 04.02.2010

Miðvikudagskvöldið 10. febrúar kl. 20-22 er námskeiðið Galdur litanna á dagskrá í Gerðubergi. Þegar við veljum liti í klæðnað okkar og umhverfi stjórnast valið yfirleitt af því hvað okkur finnst fallegt og þægilegt. En hvaða áhrif og merkingu hafa litir? Því mun Messíana Tómasdóttir leitast við að svara á kvöldnámskeiði í litafræði undir yfirskriftinni: Galdur litanna.

Flugur á sveimi, veiðiflugur á handverkskaffi. | 02.02.2010

Miðvikudagskvöldið 3. febrúar kl. 20-22 er handverkskaffi í Gerðubergi. Þetta kvöld mun Engilbert Jensen kynna veiðiflugur og fluguhnýtingar. Veiðiflugum í íslenskri náttúru má skipta í laxaflugur, straumflugur og silungaflugur. Að hnýta flugur er vetrarverkefni marga stangveiðimanna og kvenna, enda eykur það gildi veiðinnar að nota eigin flugur.

Dimmalimm verðlaunin 2009 | 01.02.2010

Ragnheiður Gestsdóttir hlaut Dimmalimm – Íslensku myndskreytiverðlaunin 2009 fyrir bók sína Ef væri ég söngvari. Verðlaunin voru afhent við hátíðlega athöfn í Gerðubergi í dag. Í dómnefndinni voru Kalman le Sage de Fontenay grafískur hönnuður, sem er fulltrúi Myndstefs, Aðalsteinn Ingólfsson, sem fulltrúi Gerðubergs og Bryndís Loftsdóttir, bóksali, sem er fulltrúi Eymundsson.

Kíktu í Gerðuberg um helgina! | 15.01.2010

25 myndskreytar sýna verk sín á sýningunni Þetta vilja börnin sjá! en þeir keppa um Íslensku myndskreytiverðlaunin sem kennd eru við Dimmalimm. Þau verða afhent við opnunina kl. 14 á laugardaginn en mikil spenna ríkir um hver hreppir verðlaunin að þessu sinni! Að verðlaununum standa Eymundsson, Félag íslenskra bókaútgefenda og Myndstef.

Á döfinni í Gerðubergi | 17.01.2010

Það verður eitthvað fyrir alla í Gerðubergi um helgina. Laugardagurinn verður sannkallaður fjölskyldudagur. Messíana Tómasdóttir, leikmynda- og búningahönnuður opnar sýninguna Strengi þar sem sjá má grímur, leikbrúður og búninga úr sýningum Strengjaleikhússins.

Handverkskaffi - Húfa á viku í heilt ár! | 15.01.2010

Fyrsta handverkskaffið í Gerðubergi á nýju ári verður miðvikudagskvöldið 13. janúar kl. 20. Edda Lilja Guðmundsdóttir setti sér það markið að hekla eða prjóna eina húfu á viku allt árið 2009. Skilyrði var að engar tvær húfur væru eins og að þær væru allar gerðar úr garni sem hún átti þegar til í fórum sínum. Eddu tókst markmið sitt fyrir síðasta ár og hefur að auki sett sér metnaðarfullt markmið fyrir árið 2010. Hún segir frá húfunum 52, sýnir nokkrar þeirra og ljóstrar upp vikulegu verkefni sínu þetta árið.

Óreiðan - Síðasta sýningarhelgi! | 12.01.2010

Nú fer hver að verða síðastur að sjá sýninguna Óreiðan sem byggð er á skáldsögum Kristínar Marju Baldursdóttur um listakonuna Karitas. Sýningin var opnuð 31. október s.l. í tengslum við Ritþing Kristínar Marju. Sýningarstjórn var í höndum Þórunnar Elísabetar Sveinsdóttur.

Jól 2009 | 29.12.2009

Jól 2009 Menningarmiðstöðin Gerðuberg óskar gestum og samstarfsfólki gleðilegra jóla. Þökkum ánægjulegar stundir á árinu sem er að líða, hlökkum til samverustunda og samstarfs á komandi ári. Starfsfólk Gerðubergs

Elísabet kveður Gerðuberg | 04.12.2009

Elísabet Bjarklind Þórisdóttir mun um áramót láta af störfum sem framkvæmdastjóri Menningarmiðstöðvarinnar Gerðubergs í Reykjavík. Elísabet hefur starfað hjá Reykjavíkurborg í liðlega 30 ár. Þar af hefur hún starfað sem framkvæmdastjóri í Gerðubergi frá opnun þess 4. mars 1983.

Möguleikhúsið sýnir Aðventu | 12.01.2010

Einleikur byggður á sögu Gunnars Gunnarssonar. Sagan byggir á frásögnum af frægum svaðilförum Benedikts Sigurjónssonar, öðru nafni Fjalla-Bensa, á Mývatnsöræfum. Hér er á ferðinni klassísk saga um náungakærleika og fórnfýsi. Pétur Eggerz fer með hlutverk Fjalla-Bensa.

Jólakonfektgerð á handverkskaffi | 30.11.2009

Miðvikudagskvöldið 2. desember kl. 20 er handverkskaffi í Gerðubergi. Þetta kvöld verður hugað að jólakonfektgerð sem í hugum margra er órjúfanlegur hluti jólaundirbúningsins. Guðrún Sigríður, eða Sirrý býr til nokkrar gerðir jólakonfekts fyrir gesti. Aðgangur er ókeypis.

Ómótstæðileg „Klassík í hádeginu” | 25.11.2009

Föstudag kl. 12:15 og sunnudag kl. 13:15 Dagskráin er að þessu sinni helguð verkum Johanns Sebastian Bach og flutt af fiðluleikaranum Joaquin Páli Palomares og píanóleikaranum Nínu Margréti Grímsdóttur. Á efnisskránni eru þrjár sónötur fyrir fiðlu og píanó BWV 1014; 1015 og 1016. Aðgangur er ókeypis.

Út í kött! - Sýning á laugardag kl. 14 | 25.11.2009

Lýðveldisleikhúsið í samstarfi við Menningarmiðstöðina Gerðuberg. Út í kött! er íslenskur dans- og söngleikur sem fjallar um tvo krakka og ferðalag þeirra um tölvu- og ævintýraheima. Þessi ævintýraleikur er fyrir börn frá fjögurra ára aldri og fullorðnir hafa líka gaman af þessu fjöruga verki.

Kellíngabækur | 11.12.2009

Sunnudaginn 22. nóvember verður efnt til kynningar á bókum eftir konur undir yfirskriftinni Kellíngabækur. Á fimmta tug kvenna kynna verk sín sem eru af ýmsum toga; skáldsögur, ljóðabækur, ævisögur, barnabækur og fræðibækur. Háskólanemar hafa umsjón með “Kellíngunni á kassanum” þar sem höfundar stíga á stokk og lesa upp úr glænýjum bókum.

Um eldhúsáhöld eru áhöld | 18.11.2009

Sunnudaginn 22. nóvember kl. 17 opnar sýning Sigurðar Árnasonar og Þórarins Eldjárns á eldhúsáhöldum í Safnarahorni Gerðubergs. Á opnuninni flytur Valgeir Guðjónsson eigin lög við ljóð Þórarins Eldjárns. Þeir Sigurður og Þórarinn hafa um langt skeið verið félagar og keppinautar í söfnun sinni á eldhúsáhöldum. Þeir hafa nú sameinað krafta sína og sýna áhöldin undir yfirskriftinni Um eldhúsáhöld eru áhöld.

Tóney stendur fyrir fjölskyldudagskrá | 11.11.2009

í Gerðubergi sunnudaginn 15. nóvember kl. 14.00 -15.00. Boðið verður upp á fjölbreytta dagskrá þar sem nemendur úr Sæmundarskóla koma fram, dansarar frá Listdansskóla Íslands sýna kafla úr dansverki við tónlist Tchaikovskys úr Hnotubrjótnum og ungir hljóðfæraleikarar og tónskáld koma fram og leika frumsamin tónverk. Þá koma Rússíbanarnir í heimsókn og taka nokkur lög.

Í gegnum tíðina | 11.11.2009

Laugardaginn 14. nóvember kl. 14 opnar Sigurbjörg Sigurjónsdóttir sýninguna Í GEGNUM TÍÐINA í Boganum. Á sýningunni gefur að líta fjölbreytt verk frá löngum ferli. Postulínsmyndir og munir, vatnslitamyndir og pastel- og olía á striga eru meðal þess sem fyrir augu ber.

Út í kött! | 06.11.2009

Lýðveldisleikhúsið sýnir dansleikhúsverk fyrir börn. Út í kött! er ævintýraleikur með dansi og söng, fyrir börn á aldrinum fjögurra til tólf ára en fullorðnir ættu líka að hafa gaman að þessu fjöruga verki. Næstu sýningar verða 8. og 14. nóvember kl. 14