Gerðuberg
 

Viðburðarík helgi framundan í Gerðubergi | 03.02.2012

Það verður margt í boði í Gerðubergi um helgina. Félagsfundur verður hjá Kvæðamannafélaginu Iðunni á föstudagskvöldið og Iðunnarfélagar koma aftur við sögu á laugardag við opnun sýningar Páls á Húsafelli. Á sunnudag opnar sýning Lilju Þorsteinsdóttur í Boganum, Möguleikhúsið sýnir Prumpuhólinn og Tríó Vadims Fyodorovs verður með útgáfutónleika.

Sýningin Löngun | 02.02.2012

Verið velkomin á opnun sýningar Lilju Þorsteinsdóttur í Boganum Gerðubergi, sunnudaginn 5. febrúar, kl. 14. Þar sýnir Lilja olíumálverk af ýmsum toga. Myndefnið sækir hún ýmist til hugans eða raunveruleikans. Verkin á sýningunni eru af blómum, landslagi og hestum.

Swing for Sergey á sunnudaginn kl. 16 | 03.02.2012

Tríó Vadims Fyodorovs fagnar útgáfu nýja disksins, Swing for Sergey, með þrennum tónleikum. Föstudag og laugardag spila þeir í Café Rósenberg en sunnudaginn 5. febrúar kl. 16 verða tónleikar hér í Gerðubergi.

Barnaleikritið Prumpuhóllinn í Gerðubergi | 01.02.2012

Sunnudaginn 5. febrúar, kl. 14, sýnir Möguleikhúsið barnaleikritið Prumpuhólinn eftir Þorvald Þorsteinsson í Gerðubergi. Leikritið er ætlað áhorfendum á aldrinum 2ja - 10 ára og sýningartími er 45 mínútur.

Kristín Ragna Gunnarsdóttir hlaut Dimmalimm verðlaunin 2011 | 29.01.2012

Kristín Ragna hlaut verðlaunin fyrir myndlýsingar í bókinni Hávamál en þar enduryrkir Þórarinn Eldjárn hina fornu speki Óðins. Forlagið - Mál og menning gefur bókina út.

Dúllur og graff | 26.01.2012

Fyrsta handverkskaffi ársins verður á dagskrá miðdagskvöldið 1. febrúar kl. 20. Þar mun Tinna Þórudóttir Þorvaldsdóttir kynna ullargraff og grunnatriði í hekli. Tinna gaf nýverið út bókina Þóra Heklbók sem hefur vakið verðskuldaða athygli.

Þetta vilja börnin sjá! | 26.01.2012

Sunnudaginn 29. janúar, kl. 14, opnar sýningin Þetta vilja börnin sjá! Við opnunina verða veitt verðlaun fyrir bestu myndskreytingu íslenskrar barnabókar árið 2011, íslensku myndskreytiverðlaunin sem kennd eru við Dimmalimm. Börn eru sérstaklega boðin velkomin á opnunina.

Vondir menn og vafasamar konur | 23.01.2012

Fyrsta Bókakaffi ársins verður á dagskrá miðvikudagskvöldið 25. janúar kl. 20. Þar mun Ingvi Þór Kormáksson fjalla um upphaf glæapasagnaritunar hérlendis og erlendis, fara yfir sögu þessarar bókmenntagreinar í stuttu máli og velta fyrir sér glæpasagnaskrifum á Íslandi upp á síðkastið.

Klippt og skorið - sýning í kaffihúsinu | 20.01.2012

Sunnudaginn 22. janúar kl. 14. opnar sýningin Klippt og skorið í kaffihúsi Gerðubergs. Á opnuninn verður Guðný með þuludagskrá þar sem hún fer með gamlar og óþekktar þulur.

Möguleikhúsið sýnir Langafa prakkara | 23.01.2012

Á sunnudaginn kl. 14 sýnir Möguleikhúsið leikritið Langafi prakkari í Gerðubergi. Leikritið byggir á bókum eftir Sigrúnu Eldjárn sem um árabil hafa notið mikilla vinsælda meðal yngstu lesendanna og er sýningin ein sú allra vinsælasta í sögu Möguleikhússins.

Heimspekikaffi með Gunnari Hersveini | 16.01.2012

Gott og illt er viðfangsefnið á fyrsta heimspekikaffi ársins sem verður í kaffihúsi Gerðubergs miðvikudagskvöldið 18. janúar kl. 20. Sem fyrr mun Gunnar Hersveinn leiða umræðuna og fær með sér góðan gest, Þórdísi Elvu Þorvaldsdóttur, leikkonu, leikskáld og rithöfund.

Kynning á dagskrá Gerðubergs | 17.01.2012

Þriðjudaginn 16. janúar kl. 14 verða starfsmenn Gerðubergs með kynningu á vordagskránni. Stiklað verður á stóru í viðburðum menningarmiðstöðvarinnar frá janúar til maí. Eftir kynninguna verður boðið upp á kaffi og pönnukökur, allir velkomnir.

Málshættir í Fókus í Gerðubergi | 03.01.2012

Nú stendur yfir sýningin Málshættir í fókus í Gerðubergi. Á sýningunni sýna félagar í Fókus - félagi áhugaljósmyndara ljósmyndir sem eiga það sameiginlegt að túlka íslenska málshætti.

Jóla-jazztónar | 16.12.2011

Það verður jólastemning í salnum í Gerðubergi þegar þeir Valdimar söngvari, Leifur kontrabassaleikari og Kristján Tryggvi píanóleikari fylla húsið af jólajazztónum úr ýmsum áttum. Tónleikarnir eru 19. og 20. desember og hefjast kl. 20, aðgangseyrir er 1.500 kr.

Pakkapökkun á handverkskaffi | 05.12.2011

Þó innihald jólapakka skipti jafnan miklu máli er umbúnaðurinn ekki síður mikilvægur, enda sérlega gaman að færa gjöf sem er fallega innpökkuð. Miðvikudagskvöldið 7. desember kl. 20 mun Megan Herbert sýna nokkrar ólíkar leiðir til að gera jólapakkana enn meira spennandi.

Horfinn heimur - Sýning í Boganum | 02.12.2011

Magnús Halldórsson opnar sýningu sunnudaginn 4. desember kl. 14. í Boganum Gerðubergi

Sýning í kaffihúsi og anddyri | 24.11.2011

Nú stendur yfir sýningin Óbið í kaffihúsi Gerðubergs og í anddyri á efri hæð. Á sýningunni eru litrík verk eftir þau Bjarnheiði Bjarnadóttur og Óla Róbert Hediddeche.

Jólarósir Snuðru og Tuðru | 24.11.2011

Sunnudagana 27. nóvember og 4. desember, kl. 14, sýnir Möguleikhúsið jólaleikrit um þær Snuðru og Tuðru hér í Gerðubergi. Leikritið byggir á sögum Iðunnar Steinsdóttur og var fyrst sýnt árið 2001 við miklar vinsældir. Sýninging er ætluð áhorfendum á aldrinum 3ja til 10 ára.

Bókakaffi - Nokkrar glóðvolgar | 22.11.2011

Miðvikudaginn 23. nóvember kl. 20 munu starfsmenn Borgarbókasafns, þau Björn Unnar Valsson, Ingvi Þór Kormáksson, Sunna Þórarinsdóttir, Úlfhildur Dagsdóttir og Þorbjörg Karlsdóttir kynna spennandi bækur af ólíku tagi úr bókaflóði haustsins.

Áhugaljósmyndarar sýna í Gerðubergi | 19.12.2011

Nú stendur yfir sýningin Málshættir í fókus í Gerðubergi. Á sýningunni sýna félagar í Fókus - félagi áhugaljósmyndara ljósmyndir sem eiga það sameiginlegt að túlka íslenska málshætti.

Síðasta sýningarhelgi Vigdísar Grímsdóttur | 17.11.2011

Sunnudaginn 20. nóvember lýkur myndlistarsýningu Vigdísar Grímsdóttur í kaffihúsinu í Gerðubergi. Sýningin Trúir þú á töfra? ber sama titil og nýútkomin skáldsaga Vigdísar.

Syngjum og kveðum í kaffihúsi Gerðubergs | 17.11.2011

Sunnudaginn 20. nóvember kl. 14 - 16 verður á dagskrá söngstund í Gerðubergi. Að þessu sinni er yfirskriftin: Syngjum og kveðum um mat og drykk.

Kellíngabækur í Gerðubergi | 17.11.2011

Laugardaginn 19. nóvember kl 13 - 15 kynna kvenhöfundar verk sín í Gerðubergi undir yfirskriftinni Kellíngabækur. Kynnt verða ný verk af margvíslegum toga – skáldsögur, fræðibækur, ljóðabækur, ævisögur og barnabækur.

Heimspekikaffi með Gunnari Hersveini | 14.11.2011

Heimspekikvöldin í kaffihúsi Gerðubergs hafa notið mikilla vinsælda. Á miðvikudagskvöldið kl. 20 ætlar Gunnar Hersveinn að fjalla um rökræðuhefð Íslendinga undir yfirskriftinni: Röksemi - Karpsemi. Ekki missa af þessu síðasta heimspekikaffi haustsins.

Sýningin Perlur opnar á laugardag | 10.11.2011

Verið velkomin á opnun sýningar Magdalenu Margrétar Kjartansdóttur í Gerðubergi laugardaginn 12. nóvember kl. 14. Sýning Perlur fjallar um konur. Myndefnið hennar er skáldskapur í bland við veruleika og fjallar um kvenlíkamann frá barnæsku til hinstu stundar. Sýningarheitið vísar í ritið Perlur sem gefið var út árið 1930, þar birtist eftirfarandi fróðleikur; „Leikfimi fyrir konur skal vera kvenleg” og er hugmyndin að sýningunni runnin frá þessum orðum.

Málshættir í fókus í Gerðubergi | 10.11.2011

Verið velkomin á opnun sýningarinnar Málshættir í fókus laugardaginn 12. nóvember kl. 14. Það eru félagsmenn í Fókus - félagi áhugaljósmyndara sem sýna verk sín en félagið stendur reglulega fyrir ljósmyndasýningum. Að þessu sinni er þemað málshættir

Hverfiskaffi - Fjölmenningarhverfið Breiðholt | 08.11.2011

Þriðja Hverfiskaffið verður haldið miðvikudaginn 9. nóvember kl. 20. Að þessu sinni verður augum beint að fjölmenningunni í Breiðholti og mun Ágústa H. Gísladóttir, frístundaráðgjafi á Þjónustumiðstöð Breiðholt hafa umsjón með dagskránni. Formælendur hafa stutta tölu og munu síðan svara spurningum og spjalla við fólk yfir kaffinu.

Vel heppnað ritþing með Vigdísi Grímsdóttur | 09.11.2011

Ritþing með Vigdísi Grímsdóttur sem var haldið í Gerðubergi laugardaginn 5. nóvember var vel sótt. Vigdís sat fyrir svörum um líf sitt og feril og las brot úr verkum sínum. Ellen Kristjánsdóttir og Eyþór Gunnarsson fluttu nokkur lög. Sýning á myndverkum Vigdísar stendur í kaffihúsi Gerðubergs til 20 nóvember.

LeikVerk - síðasta sýningarhelgi | 04.11.2011

Sýningunni LeikVerk lýkur sunnudaginn 6. nóvember. Á sýningunni eru afar fjölbreytt og skemmtileg verk sem eiga það öll sameiginlegt að fela í sér leik á einn eða annan hátt.

Bókakaffi - Ferðadagbækur Sigrúnar Eldjárn | 24.10.2011

Miðvikudaginn 26. október kl. 20 mætir Sigrún Eldjárn rithöfundur og myndlistamaður með mis-rykfallnar ferðadagbækur sínar, segir frá þeim og sýnir úr þeim vel valdar, skrautlegar og skrítnar opnur. Sigrún heldur jafnan dagbækur á ferðum sínum, myndskreytir þær, safnar í þær úrklippum, nafnspjöldum og ýmsu smálegu auk þess sem hún skrifar um ferðina. Þessar persónulegu og skemmtilegu bækur mun hún sýna gestum bókakaffisins og er öðrum ferðalöngum velkomið að mæta með eigin dagbækur.