Ljósmyndasýning í kaffihúsinu
02.09.2010
Ísland í ramma
Gísli Hjálmar Svendsen sýnir ljósmyndir sem hann hefur tekið á ferðum sínum um Ísland síðustu tvö ár í kaffihúsi Gerðubergs.
Gísli eignaðist sína fyrstu alvöru ljósmyndavél, sem var RICOH KR10, árið 1980 þega hann var rúmlega tvítugur. Sama vetur fékk hann tilsögn í grunnþáttum ljósmyndunar hjá Leó Jóhannssyni, ljósmyndara á Ísafirði og stundaði ljósmyndun markvisst næsta áratug. Þá lagði hann myndavélina til hliðar um tíma en tók upp þráðinn árið 2007.
Gísli Hjálmar Svendsen er fæddur í Tromsö í Noregi 1959 en flutti fljótlega eftir fæðingu með móður sinni til Íslands og bjó í æsku á ýmsum stöðum á landinu. Ellefu ára flutti hann til Ísafjarðar og bjó á Vestfjörðum fram á fullorðinsár. Þar liggja sterkustu ræturnar. Gísli hefur stundað ýmis störf um ævina, lengst af sem vélstjóri til sjós og lands en leggur nú stund á lögfræðinám.
Sýningin stendur frá 4. september til 31. október.
Hún er opin virka daga frá 10 til 16 og um helgar frá 13 til 16.